السبت 14 من رمضان 1435 هــ 12 يوليو 2014 السنة 138 العدد 46604

رئيس مجلس الادارة

أحمد السيد النجار

رئيس التحرير

محمد عبد الهادي علام

رئيس التحرير

محمد عبد الهادي علام

من التراث الرمضانى..الاستيمــارة

كتب:فؤاد حداد
اصحى يا نايم وحد الدايم وقول نويت بكره ان حييت الشهر صايم والفجر قايم اصحى يا نايم وحد الرزاق رمضان كريم

مسحراتي منقراتي ع الطبله ايدي

ريشه ف دوايتي اسمع ياسيدي

اسمع حكايتي مع استيماره

راكبه حماره اول ماراحت

راحت لحسني قالت ياحوستي

هو انت فاطر قال كنت فاكر

مش حانسى تاني خليك مكاني

الاستيماره راكبه الحماره

راحت لفكري قال تيجي باكر

وتروح لذكري قال روح لشاكر

ولّا لشكري ، شكري في اجازه

راحت لبهجت لا حط ماذا

ولا سألها أشّر نقلها

راحت لهاني خليك مكاني

هاني الطاطوري قال فيما يبدو

حتروح لعبده لازم ضروري

ضروري لازم راحت لحازم

منه لتيفه شاغلاه لطيفه

منه لمكتب راجل مؤدب

ببدله بني قال لي أظني

في تاني اوده عند الموظف

ابو بدله سودا بدله رصاصي

قال لا مؤاخذه مش اختصاصي

ياسى لاظوغلي خلص لي شغلي

في تاني طرقه على شمالي

لبدله زرقا شرحت حالي

قال ثانيه واحده

والاستيماره من يومها قاعده

راكبه الحماره

لو كنت راكب ماكنتش اوصل

ولا أؤدي واجب ولا أحصّل

واطلع بلاشي

احسن لي أفضل على مهلي ماشي

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي

حته من كبدي حته من موال

انا صايم الشهر طول الشهر ودا فاطر

وانا ماشي في الشغل قلبي سخن ودا فاتر

ما ينتقل شبر الا بحبر ودفاتر

 

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق
  • 1
    R.St
    2014/07/12 05:15
    0-
    0+

    thanks
    Thanks more of this, more of tradition and culture....
    البريد الالكترونى
     
    الاسم
     
    عنوان التعليق
     
    التعليق